السلام عليكم ورحمة الله وبركاته
انا جيت وبوفى بوعدى وجايبة لكم اجمل قصة حب فى العالم بس هحكيها بطريقتى *صلوا عالنبى* الحكاية بتبدء فى دولة عربية بنت كان عمرها 16 سنة تقريبا كانت بنت مصرية ولكن كانت مقيمة فى دولة عربية كان ليها صديقات فى المدرسة بس مش كان ليها اصدقاء ولاد
كانت متعودة ترجع من المدرسة تذاكر وتجلس عالنت وتشيت مع اصدقائها فى المدرسة وكانت بترفض اى اضافات من اى حد ما علينا** فى يوم قالت لها صديقتها فى المدرسة انها اتعرفت على بنت محترمة جدااا ومؤدبة ومتدينة ومن كتر كلام صديقتها عن البنت دى تشوقت ان تتعرف عليها وطلبت من صديقتها تعرفها عالبنت دى وفعلا تم واترفت عالبنت دى وفعلا كانت مثال للادب والتدين والاخلاق واعتبرتها اختها الكبيرة وكل ما تقع فى مشكلة تكلمها هى واستمر الوضع على كده فترة وهى كل يوم تحب البنت اكتر لحد ما فى يوم كانت المفاجأة
دخلت تكلم البنت دى كعادتها ولقيتها فى حال مش على ما يرام وسالتها مالك قالت لها ان فى شئ هى مخبياها عليها ولازم تعترف لها بيه انها
ولد بس مش كان يقصد يخدعها وانه عمره ما قال لها حاجة غلط وهى اتصدمت وخرجت وهى مستغربة ازاى الادب والاخلاق والتدين ده كله يطلع من ولد وبعد فترة دخلت عالنت ولقيته سايب لها رسايل كتير بيترجاها تكلمه ولو مرة وفعلا حصل واعترف لها انه بيحبها وانه معجب باخلاقها وللاسف البنت كانت فعلا اتشدت له وحبيته وبدءت قصة حب بريئة عالنت وبعد فترة البنت شعرت انها بتخون امانة اهلها وان اهلها لو عرفوا هتخسر ثقتهم فيها وانها بكده بتعمل علاقة حراااااام وبعد فترة تفكير دخلت وسابت له رسالة اقسمت له فيها انها عمرها ما حبت ولا هتعرف تحب حد زى ما حبيته ولكن استمرارها معاه يعنى خيانة اهلها وانها بتقع فى علاقة حرام وان حبه مش يستاهل يكون الشئ الحرام واستحلفته بالله ما يحاول يكلمها تانى
ومرت الايام ورجعت مصر ودخلت كلية الهندسة ويشهد الله انها لم تفكر فى يوم او ليلة الا فيه وظلت تحلم وتتعذب وتتمنى اليوم لعل المحال يتحقق وتقابله يوما ما
وذات مرة كان مطلوب منها تعمل بحث فى احدى الشركات وفعلا راحت الشركة عشان تعمل البحث وهى هناك نسيت كشكول معاها ولاقاه شاب كان بيشتغل فى الشركة وتردد يفتحه ويدور فيه عن اى حاجة توصله لصاحبة الكشكول عشان يرجعه لها وفى الاخر فتح الكشكول وكانت المفاجأة
وجد اسم البنت ومعاه ايميل هو نفس الايميل اللى كان بيحب صاحبته هو الولد اللى حبها من 5 سنين وانتظر رجوع البنت عشان تسأل على كشكولها وفعلا رجعت وسألت عالكشكول وقالوا لها انه مع شاب هناك وراحت وكانت المفاجأة كانت اجمل مما تخيل الولد وفضل واقف متسمر متنح لها وهى مستغربة وخدت الكشكول ومشيت وهو سال على عنونها وراح هو واهله يتقدموا لها وعجب اهلها وراح ابوها يسألها وهى افتكرت حبيبها وان كانت لم تنساه ورفضت ولما الشاب عرف صمم انه مش هيمشى الا لما يتكلم معاها الاول واهلها وافقوا بشرط ان يكون الكلام ادامهم وفعلا جت البنت ووقفت ادامه وسكتت وقال لها
- انتى مش عرفانى
- لا
- قال لها مين اللى سابتنى من 5 سنين عشان مش تخون امانة اهلها
وعندها وقعت البنت اغمى عليها ونقلوها للمستشفى وفاقت واتجوزوا وعاشوا فى تبات ونبات
******نستفيد ايه من الحكاية دى؟؟؟؟ ان اللى يسيب حاجة حرام عشان ربنا ربنا هيدهاله فى الحلال بس لازم يكون واثق فى ربنا وان جهاد النفس صعب جدااااا بس نتيجته اجمل
وبكده اكون اديت رسالتى ناحيتكم يا ولاد ووفيت بوعدى